Աշխատանքից ազատվելու դիմում․
ՀՀ քաղաքացի Ջեմմա Զարգարյանից․
Դիմում
Հարգելի՝ Աննա Ավետիսյան խնդրում եմ Ձեզ, իմ դիմումի համաձայն ազատել ինձ դաստիարակի աշխատանքից, անձնական խնդիրների պատճառով։
Архивы: Աշխատանքային գործունեության հիմունքներ
Մոտիվացիոն նամակ
Մոտիվացիոն նամակի ընձեռած հնարավորությունները պետք է ճիշտ օգտագործել, բնութագրել ինքներդ ձեզ այնպես, ինչպես չեն կարող ներկայացնել ռեզյումեն և այլ կցվող փաստաթղթերը՝ միասին վերցրած: Այս գործին պատասխանատու մոտենալով՝ դուք կարող եք գրել այնպիսի մոտիվացիոն նամակ, որը կխոսի միայն ձեր օգտին և կառանձնացնի մյուս թեկնածուների շարքում:
Ուղեկցող նամակ
Մոտիվացիոն նամակը պետք չէ շփոթել ուղեկցող նամակի հետ: Ուղեկցող նամակը պարտադիր բաղադրիչ է աշխատանքի համար դիմելիս ուղարկվող յուրաքանչյուր էլեկտրոնային նամակի համար: Այն գրվում է նամակի բովանդակության հատվածում և ներկայացնում է, թե ով եք դուք, ինչ հաստիքի համար եք դիմում, ինչպես եք իմացել թափուր աշխատատեղի մասին, ձեր մասնագիտական փորձը երկու բառով և այլն:
Երկար տեքստեր գրելու կարիք այստեղ չկա: Նշեք միայն այն ամենակարևոր ինֆորմացիան, որը անհրաժեշտ կլինի գործատուին կամ մարդկային ռեսուրսների մասնագետին ձեզ նկատելու և ձեզ հետ կապվելու համար առանց ռեզյումեն ևս մեկ անգամ բացելու: Ահա այն նվազագույն տեքստը, որը անհրաժեշտ է ներառել նամակի մեջ:
Բարև Ձեզ, հարգելի (անունը, եթե գիտեք),
Կից ուղարկում եմ իմ ռեզյումեն (…) հաստիքի համար: Պատրաստ եմ նաև քննարկել Ձեր առաջարկները (…) ոլորտի այլ հաստիքի հետ կապված: Ինձ հետ կարող եք կապվել ինչպես էլ. փոստով, այնպես էլ հեռախոսով:
(Ձեր հեռախոսահամարը)
Հարգանքներով,
(անուն, ազգանուն)
ՄՈՏԻՎԱՑԻՈՆ ՆԱՄԱԿ
Մոտիվացիոն նամակը անշուշտ ավելի ծավալուն պետք է լինի, քան ուղեկցող նամակը, բայց չպետք է գերազանցի A4 թղթի ծավալը: Իսկ եթե դուք դեռ աշխատանքային փորձ չունեք, ապա կես էջը լիովին բավարար է: Մոտիվացիոն նամակի նպատակը գործատուին ձեր ռեզյումեից բացի լրացուցիչ տեղեկություններ ներկայացնելն է ձեր մասին, որոնց հիման վրա նա պատկերացում կկազմի, թե ինչու եք հետաքրքրված այդ աշխատանքը ստանալու համար և ինչպես եք համապատասխանում նշված հաստիքին:
Մոտիվացիոն նամակը պետք է լինի չկրկնվող: Միևնույն նամակը չի կարելի ուղարկել տարբեր հաստիքների համար: Անշուշտ, որոշ հատվածներ կարող եք կրկնել, բայց ոչ ամբողջ նամակը, այլապես մոտիվացիոն նամակի ողջ իմաստը կկորի: Մոտիվացիոն նամակի ստանդարտ ձևաչափերից օգտվել նույնպես խորհուրդ չենք տա, քանի որ դրանք բացարձակապես զուրկ են ինքնատիպությունից, իսկ գործատուն, ստանալով միանման մոտիվացիոն նամակներ, միայն կնյարդայնանա և անմիջապես կբացառի այդպիսի աշխատողների թեկնածությունը:
- Մոտիվացիոն նամակը պետք է լինի հասցեական: Նամակի սկզբում դիմեք ընկերության ղեկավարին կամ մենեջերին՝ կախված, թե ինչ էլ. փոստով եք ուղարկում նամակը, և ով է որպես կոնտակտային անձ նշված աշխատանքային հայտարարության մեջ:
- Նշեք, թե որ հաստիքի համար եք դիմում, ինչպես եք իմացել դրա մասին: Վստահ եղեք, որ հաստիքի անվանումը ճիշտ եք նշել:
- Չափազանց ուշադիր եղեք տեքստի ուղղագրությանն ու քերականությանը: Թափթփված գրված տեքստը, վրիպակները, առավել ևս ուղղագրական սխալները այսպիսի դեպքերում երբեք չեն վրիպում նամակն ընթերցողի աչքից: Խնդրեք ինչ-որ մեկին ստուգել ձեր նամակը, եթե վստահ չեք ինքներդ ձեզ վրա:
- Նշեք տեղեկություններ ձեր կրթության և աշխատանքային փորձի մասին, որի հիման վրա կարող եք հավակնել նշված աշխատատեղին: Հիմնավորեք, թե ինչու եք համապատասխանում այդ գործին: Մասնավոր օրինակներով նշեք, թե ձեր որ փորձառությունը կարող է պետք գալ այդ ընկերությունում աշխատելիս:
- Ինքներդ ձեզ գնահատելու և սովորական դարձած (աշխատասեր, նպատակասլաց, ընկերասեր) բառերով ձեզ բնորոշելու փոխարեն նշեք այն հաջողություններն ու ձեռքբերումները, որոնք ունեցել եք նախորդ աշխատատեղերում: Ի՞նչ հմտություններ ու գիտելիքներ եք ձեռք բերել: Ի՞նչ առաջադրանքներ են դրված եղել ձեր առջև, ինչպես եք կատարել դրանք: Աշխատանքային փորձի բացակայության դեպքում նկարագրեք ձեր փորձառությունը պրակտիկայի ընթացքում:
- Խոսեք այն քայլերի մասին, որ ինքներդ եք ձեռնարկել մասնագիտական աճ գրանցելու համար՝ լրացուցիչ կուրսեր, սեմինարներ, թրեյնինգներ, մասնագիտական գրականության ընթերցանություն, մասնակցություն տարբեր նախաձեռնությունների: Նշեք ձեր հակումների ու հետաքրքրությունների մասին, եթե դրանք կապ ունեն ձեր մասնագիտության հետ և ձեր օգտին կարող են խոսել:
- Ցույց տվեք գործատուին, որ դուք ուսումնասիրել եք ընկերության գործունեության ոլորտը և հասկանում եք, թե ինչպիսի աշխատանքի համար եք դիմում: Ընկերության աշխատելաոճը ուսումնասիրելու դեպքում առաջին հերթին ձեզ համար պարզ կդառնա, այն, թե ինչ կտաք դուք այդ ընկերությանը՝ այնտեղ աշխատելով: Հենց դա էլ պետք է պարզ և գրագետ ներկայացնել մոտիվացիոն նամակում: Շատերը պարզապես բառացիորեն կրկնում են այն ինֆորմացիան, որն ընդգրկված է աշխատանքի հայտարարության մեջ: Եթե չեք ուզում այդ ընկերությունում աշխատել, կարող եք հենց այդպես էլ վարվել:
- Մի շողոքորթեք գործատուին: Դա անմիջապես կառաջացնի անվստահություն ձեր հանդեպ և մենեջերին կամ գործատուին բացասաբար կտրամադրի ձեր հանդեպ:
- Ընկերության մասին փաստեր և մանրամասներ նշելիս վստահ եղեք, որ այդ տեղեկությունները հավաստի են: Եթե կասկածում եք, նշեք նաև տեղեկատվության աղբյուրը:
- Ցույց տվեք, որ դուք տեսնում եք երկարաժամկետ հեռանկարներ, և ցանկանում եք կատարելագործվել ու բացահայտել ձեր ամբողջ պոտենցիալը՝ աշխատելով այդ ընկերությունում:
- Ձեր մասին յուրաքանչյուր բնորոշում հիմնավորեք փաստերով,հակառակ դեպքում այդ ամենը միայն դատարկ խոսքեր կլինեն: Բերեք այլ մարդկանց երաշխավորություններ, եթե կան այդպիսիք: Գրեք միայն այնպիսի բաներ, որոնք հետագայում՝ հարցազրույցի ժամանակ կամ արդեն աշխատանքի անցնելուց հետո, կարող եք հիմնավորել և ապացուցել:
- Եվ վերջապես, մոտիվացիոն նամակի մեջ ձեզ ոչ ոք չի խնդրում գրել ձեր բացասական կողմերի մասին, այնպես որ, մի արեք դա:
,,Մխիթար Սեբաստացի,, կրթահամալիրի ներքին կարգապահական կանոններ
Այս կետերը՝ ինձ համար ամենից կարևորն է , քանի որ առաջնային են։ Սկզբում իմ կարծիքով բոլոր կետերը պետք է լինեն մարդկային արժեքներին համապատասխան հետո նոր կրթությանը վերաբերող։
Աշխատողի պարտականությունները
7.5. Աշխատողը պարտավոր է իր աշխատատեղում և իր գործունեության ընթացքում պահպանել հիգիենիկ և անվտանգ միջավայր, ունակ լինել մասնակցելու և նպաստելու անվտանգ կենսագործունեություն ապահովող միջոցառումներին, ուսումնական պարապմունքի գնալիս ժամացույց, համակարգիչ (նոթբուք, նեթբուք, համարժեք այլ միջոց), դասընթացի ծրագրով անհրաժեշտ ուսումնական թվային այլ գործիք ունենալ:
7.6. Աշխատողը պարտավոր է ունենալ իր էլեկտրոնային հասցեն, որը հայտնի է կրթահամալիրի բոլոր աշխատողներին, շահառուներին և պարտադիր բացվում, ստուգվում է օրը 2 անգամ, գործածել mskh.am փոստի (Live@Edu) հասցեների համակարգը, ուսումնական աշխատանքի կազմակերպման, արդյունքների համակարգման նպատակով վարել իր անձնական բլոգը (էջը), սահմանված կարգով լրացնել էլեկտրոնային մատյանը, մասնակցել կրթահամալիրի, մասնաճյուղի կայքերի պահպանման և զարգացման աշխատանքին, իմանալ այդտեղ հրապարակված նորությունները:
7.7. Աշխատողը պարտավոր է մասնակցել մասնագիտական վերապատրաստման դասընթացների, միջոցառումներին, մշտապես ինքնակրթվել և գործնականում կիրառել դրա արդյունքները, սահմանված կարգով ատեստավորվել:
7.9. Աշխատողը պարտավոր է սահմանված կարգով ներկայացնել իր գործունեության հաշվետվությունը։
- Աշխատողի իրավունքները
8.6. Աշխատողն անվճար ստանում է մասնագիտական աջակցություն կրթահամալիրի մասնաճյուղերի (ուսուցողական ծրագրերի, ուսումնական կենտրոնների ղեկավարների, ծառայությունների) կողմից:
- Սովորողի իրավունքներն ու պարտականությունները
9.3. Սովորողն իրավունք ունի սահմանված կարգով ընտրելու իր նախասիրած գործունեությունը, խորացված ուսուցումը, ակումբը, լրացուցիչ կրթությունը:
9.4. Սովորողն ուսումնառության ընթացքում օգտվում է ինքնավարության իր ընտրած տարբերակից, ինքնասպասարկումից և ազատությունից` իր ստեղծագործական ներուժը, մասնագիտական հետաքրքրությունները դրսևորելու և զարգացնելու նպատակով: Մասնաճյուղի ղեկավարը, Տնօրենը աջակցում են, որ սովորողներն անարգել իրացնեն իրենց ինքնավարությունը մասնաճյուղում, կրթահամալիրում:
9.5. Սովորողն իրավունք ունի անհատական կամ կոլեկտիվ գրավոր կամ բանավոր դիմում հղելու Տնօրենին, խորհրդին, մասնաճյուղի ղեկավարին, կրթահամալիրի յուրաքանչյուր աշխատողի, 7-օրյա ժամկետում ստանալու նրանցից հիմնավորված ու սպառիչ պատասխան:
9.13. Անհրաժեշտության դեպքում սովորողն անվճար օգտվում է երեխայի զարգացման` լոգոպեդի, հոգեբանի, սոցիալական մանկավարժի, հատուկ մանկավարժի ծառայություններից:
Մոտիվացիա
Մարդկային վարքագծի գրեթե բոլոր ասպեկտներում մոտիվացիան շատ մեծ դերակատրություն ունի: Ցանկացած որոշում կայացնելիս մենք առաջնորդվում ենք մոտիվացիոն ներքին մղումներով:
Հոգեբանները, խոսելով մոտիվացայի մասին, նշում են, որ դա ներքին վիճակ է, ցանկություն, որն ակտիվացնում է վարքագիծը և ուղղորդում դեպի նպատակը: Այլ կերպ ասած՝ Մոտիվացիան կարիքների և ցանկությունների ազդեցությամբ թելադրվող վարքագիծն է:
Մեկ այլ սահմանման համաձայն՝ մոտիվացիան գործընթաց է, որը սկիզբ է դնում, ուղղորդում և պահպանում դեպի նպատակը տանող վարքագիծը: Մոտիվացիան խթան է, որը ստիպում է մեզ գործել: Ընդ որում՝ տարբեր են և՛ նպատակները, և՛ մեխանիզմները: Մեխանիզմ կարող է լինի թե՛ ծարավը հագեցնելու համար (նպատակ) մեկ բաժակ ջուր խմելը (մեխանիզմ), թե՛ գիտելիք ստանալու համար (նպատակ) գիրք կարդալը (մեխանիզմ):
Այժմ խոսենք մոտիվացման (խրախուսման) տեսակների մասին: Հոգեբաններն առանձնացնում են խրախուսման երկու հիմնական տեսակ՝ ներքին և արտաքին:
Ներքին մոտիվացիա
Ներքին մոտիվացիայի դեպքում անհատի խրախուսման ազդակները/շարժառիթները բխում են ներսից, կապված են իր սեփական հետաքրքրությունների և ցանկությունների հետ:
Առանձնացվել են ներքին մոտիվացիան բարձրացնող/խթանող մի քանի գործոն՝
Մարտահրավեր
Մարդիկ մոտիվացվում են, երբ փորձում են հասնել մի նպատակի, որը բխում է իրենց անձնական հետաքրքրություններից, կապված է ինքնագնահատականի բարձրացման հետ, որտեղ գործողույթան արդյունքը հասանելի է և նպատակին հասնելը հնարավոր է, բայց ոչ շատ հեշտ:
Հետաքրքրություն
Մարդու ներքին մոտիվացիան բարձրանում է, երբ ֆիզիկական միջավայրում ինչ-որ բան գրավում է անհատի ուշադրությունը, այն է զգայական հետաքրքրությունը և երբ գործողությունը կամ աշխատանքը կատարելիս անհատի մոտ ցանկություն է առաջանում սովորել ավելին, այն է ճանաչողական/իմացական հետաքրքրություն:
Հսկողություն
Մարդիկ սիրում են, երբ իրենց և իրենց միջավայրը վերահսկվում է և հստակ սահմանված են նպատակները. ուր են գնում և ինչու:
Համագործակցություն և մրցակցություն
Ներքին մոտիվացիան կարող է բարձրանալ այնպիսի իրավիճակներում, երբ անհատը բավականություն է ստանում մեկ ուրիշին օգնելուց, ինչպես նաև այն դեպքերում, երբ կարողանում է համեմատել իր և մյուսների կատարած աշխատանքը, որտեղ ինքն ավելի շահեկան դիրքերում է:
Ճանաչում/Ընդունում
Մարդիկ սիրում են, երբ իրենց կատարած աշխատանքը և գրանցած հաջողությունները ճանաչվում և ընդունվում են մյուսների կողմից։
Արտաքին մոտիվացիա
Արտաքին մոտիվացիայի դեպքում անհատի խրախուսման ազդակները (շարժառիթները) գալիս են արտաքին աշխարհից, աշխատանքը կատարվում է ակնկալիքով, որ լինելու է սպասված պարգևատրումը՝ նյութական կամ ոչ նյութական (գումար, պատվոգիր, մրցանակ, գովաբանում, լավագույն աշխատողի ճանաչում և այլն):
Առանձնակի ուշադրության է արժանի SCARF անունը ստացած մոդելը, որը մարդկանց մոտիվացիան բարձրացնելու կիրառելի ու արդյունավետ գործիք է: Այս մոդելի հիմքում նյարդաբանական հետազոտությունն է, համաձայն որի՝ սոցիալական վարքագիծը կառավարվում է վախերը (սպառնալիքները) նվազեցնելով և խրախուսումը բարձրացնելով: Այլ կերպ ասած՝ ինչպես նշում է մոդելի հեղինակը՝ Դևիդ Ռոքը, սոցիալական կարիքների վախերի դրսևորումները ուղեղում արտահայտվում են նույն կերպ, ինչպես սննդի կամ ջրի կարիքը:
Իրական առաջնորդը պետք է զարգացնի այլոց վրա ազդելու կարողությունը՝ նվազեցնելով վտանգը, բարձրացնելով խրախուսումը (պարգևը): Այս մեխանիզմի կիրառումը նպաստում է աշխատողի ներգրավվածության մեծացմանը, իսկ ներգրավվելու դեպքում ստանում ենք ավելի բարձր արդյունքներ, քանի որ նա աշխատանքի արդյունքը կապում է իր կատարած գործի հետ:
Այս մոդելը ներառում է մարդու սոցիալական փորձառության հինգ ոլորտ՝
1. կարգավիճակ,
2. հստակություն
3. անկախություն,
4.կապվածություն,
5. ազնվություն:
Կարգավիճակը/Status կապված է հարաբերական կարևորության հետ. դա անձի ընկալումն է, թե ինչպիսին է նա շրջապատի աչքերում: Կարգավիճակը վարքագծի վրա ազդող կարևոր խթաններից է: Շատ հեշտությամբ, երբեմն ոչ դիտավորյալ, կարելի է խոսքով, դիտարկմամբ, խորհրդով դիմացինի մոտ առաջացնել կարգավիճակը նվազեցնող վախ: Իրական առաջնորդն ամեն վայրկյան փորձում է նվազեցնել այս վախերը: Օրինակ՝ խնդրում է աշխատողին իր գնահատականը կամ կարծիքը արտահայտել կատարված աշխատանքի վերաբեյալ, կամ սովորելու սովորելու, զարգանալու և կատարված աշխատանքը ն ու գրանցված հաջողությունները հանրայնացնելու հնարավորություն է ստեղծում: Հստակությունը/Certainty կապված է ապագան կանխորոշելու կարողության հետ: ՈրոշակիությԱն բացակայությունը, կատարվող աշխատանքի նպատակների, ժամկետների ու սպասվող արդյունքների անորոշությունը կարող է ազդել աշխատանքի արդյունավետության վրա: Որպեսզի խուսափեք այս ամենից, անհրաժեշտ է հստակ լինեն ցանկացած հարցում: Օրինակ՝ հերթական հրավիրված ժողովի հենց սկզբում նշել, թե որքան կտևի հանդիպումը, ինչ և ինչու է քննարկվելու: Անկախությունը/Autonomy սեփական միջավայրը վերահսկելու ընկալումն է, զգացողությունը, որ ունես ընտության հնարավորություն: Աշխատողին լիարժեք (էական) անկախություն տալը կարող է լինել բարդ: Կապվածությունը/ Relatedness վերաբերում է այլոց (մյուսների) շրջապատում ապահովության զգացողությանը: Բազմաթիվ աշխատանքային թիմերում կապվածությունը վարքագծի շարժիչն է, քանի որ մարդիկ սիրում են կազմել խմբեր, թիմեր, որտեղ անդամները կապված են միմյանց: Փոքր խմբերում մարդիկ իրենց ավելի ապահով են զգում, քան մեծերում: Կապվածության հասկացությունը սերտորեն կապված է վստահության հետ: Անծանոթ միջավայրում ապահովության զգացողություն ստեղծելուն կարող է նպաստել ձեռքսեղմումը, անունների փախանկումը, որևէ ընդհանուր թեմայի քննարկումը, թիմի ներսում՝ անձնական բնույթի տեղեկությունով կիսվելը, սովերցնելը, ուղղորդելը և այլ։ Ազնվության/ Fairness դեպքում խոսքը մարդկանց միջև ազնիվ փոխահարբերությունների մասին է: Սա կարող է մասամբ բացատրել՝ ինչու են մարդիկ ի շահ իրենց համայնքի կամավորական աշխատանք կատարելիս ներքին բավարարվածություն զգում, բարձրանում է ներքին մոտիվացիան: Անհրաժեշտ է բարձրացնել թափանցիկությունն աշխատանքներում, ինչպես նաև հեշտացնել թիմի անդամների միջև հաղորդակցությունը: Անհրաժեշտ է հստակ ներկայացնել սպասելիքները թիմից և ներիքն կանոնակարգը: Ավելի արդյունավետ է, երբ այս կանոները մշակվում են թիմի հետ միասին: Անհրաժեշտ է թիմի բոլոր անդամներին վերաբերվել նույն կերպ՝ չառանձնացնելով որևէ մեկին թե՛ դրական, թե՛ բացասական առումով:ն:յան:այն:
Պայմանագիր
Պայմանագիր է համարվում երկու և ավելի անձանց համաձայնությունը, որն ուղղված է քաղաքացիական իրավունքներ և պարտականություններ առաջացնելուն, փոփոխելուն կամ դադարելուն։ Պայմանագիրը կամային ակտ է, կողմերի կամավոր համաձայնություն։ Պայմանագիր կնքելուն հարկադրել չի թույլատրվում, բացառությամբ այն դեպքերի, երբ պայմանագիր կնքելու պարտականությունը նախատեսված է օրենքով կամ կամովին ստանձնած պարտավորությամբ։ Պայմանագրի հասկացությունը և պայմանները, պայմանագրի կնքման, փոփոխման և լուծման կարգն ամրագրված են ՀՀ քաղաքացիական օրերնսգրքի 436-469 հոդվածներում։
Պայմանագրի տեսակներ․
Հիմնական և նախնական պայմանագրեր
Հիմնական է համարվում այն պայմանագիրը, որը կողմերի համար անմիջականորեն առաջացնում է գույքի փոխանցման, աշխատանքների կատարման, ծառայությունների մատուցման կամ քաղաքացիաիրավական պարտականությունների իրականացման հարաբերություններ։
Նախնական են համարվում այն պայմանագրերը, որոնցով պայմանավորվող կողմերը պարտավորվում են դրանով նախատեսված պայմաններով ապագայում կնքել հիմնական պայմանագիր։
Հատուցելի և անհատույց պայմանագրեր
Հատուցելի են համարվում այն պայմանագրերը, որոնցով մի կողմի կատարվածի դիմաց մյուս կողմը պետք է փոխհատուցի։ Հատուցումը կարող է լինել դրամով, այլ գույքով կամ որոշակի աշխատանքի կատարմամբ։ Պայմանագրերը հիմնականում լինում են հատուցելի։
Անհատույց է ճանաչվում այն պայմանագիրը, որով կողմը պարտավորվում է որևէ բան հանձնել մյուս կողմին, առանց նրանից վճար կամ այլ հանդիպական կատարում ստանալու։ Օրինակ` գույքի անհատույց օգտագործման պայմանագիր, նվիրատվության պայմանագիր։
Կոնսենսուալ և ռեալ պայմանագրեր
Կոնսենսուալ են համարվում այն պայմանագրերը, որոնց կնքման համար բավական է միայն կողմերի համաձայնությունը, որևէ գործողության կատարում չի պահանջվում։ Ռեալ են կոչվում այն պայմանագրերը, որոնք կնքված են համարվում, երբ կողմերի փոխադարձ համաձայնության հիման վրա կողմը մյուսին իր է հանձնում։
Փոխհամաձայնեցված և միանալու պայմանագրեր
Փոխհամաձայնեցված պայմանագրեր կնքելիս կողմերը ոչ միայն պայմանագիր կնքելու փոխադարձ լրացնող կամք են դրսևորում, այլև փոխադարձ կամահայտնությամբ համաձայնություն են կայացնում պայմանագրի բոլոր պայմանների կապակցությամբ։
Միանալու պայմանագրում կողմերից մեկը տեղեկաքարտերում կամ այլ ստանդարտ ձևերում սահմանում է պայմանագրի պայմանները։ Մյուս կողմն իրավունք չունի փոփոխել կամ լրացնել սահմանված պայմանները։ Նա կարող է այդպիսիք ամբողջությամբ ընդունել կամ չընդունել։ Եթե ամբողջությամբ ընդունում է, ապա միանում է պայմանագրին։
Հաղորդակցման հմտություններ, հեռավար ուսուցման առաջադրանքներ, մարտի 30-ից 10-ը ապրիլի
Նախագծի թեմա:
- Մասնագիտական ոլորտի գործունեության ուսումնասիրություն:
- Ուսումնասիրե՛ք Ձեզ հետաքրքրության մասնագիտական ոլորտը՝ օգտվելով կարիերայի ծառայությունների կայքերի ռեսուրսներից և հղումներից: Ծանոթացեք տվյալ ոլորտում աշխտելու համար պոտենցիալ գործատուի կողմից փնտրվող հմտություններին և կարողություններին: Ուսումնասիրե՛ք աշխատանքի այլ կայքերում տեղադրված մի քանի նկարագրեր, որոնք կօգնեն Ձեզ բացահայտել տվյալ ոլորտին հատուկ կարիքները և առանցքային բառերը: Այդպիսիք կարող են հանդիպել աշխատանքի նկարագրականում կամ գործատուի պահանջների ցուցակում: Համադրե՛ք Ձեր որակավորումը գործատուի պահանջների հետ:
Ինքնակենսագրական
Ես Ջեմմա Զարգարյանն եմ, տասնյոթ տարեկան եմ։ Ծնվել, մեծացել և ապրում եմ՝ Աշտարակի շրջան Կարբի գյուղում։ Ումեմ՝ քույր և եղբայր, ապրում եմ ծնողներիս հետ։ Նախասիրություններիցս սիրում եմ՝ երգել, պարել, մեքենա վարել, լողալ, գիրք կարդալ, զբոսնել ու քայլել, ֆիլմեր դիտել և սիրածս մարդկանց հետ ժամանակ անցկացնել։ Սովորում եմ Մխիթար Սեբաստացի կրթահամալիր, քոլեջում, նախադպրոցական բաժնում։ Սիրում եմ իմ ընտրած մասնագիտությունը, բայց ապագայում չեմ որոշել ինչ եմ սովորելու կամ աշխատելու։ Շատ կատակասեր չեմ, անկեղծ եմ, բարի։
CV
| Անձնական տեղեկություններ | |
| Ծննդյան վայրը | ՀՀ, Արագածոտնի մարզ. ք․ Աշտարակ |
| Ծննդյան օրը, ամիսը, տարեթիվը | 21․04.2004թ. |
| Քաղաքացիություն | ՀՀ |
| Հեռախոսահամար | 077 06 44 90 |
| Էլեկտրոնային հասցե | jemmazargaryan077@gmail.com |
| Այլ տեղեկություններ | |
| Սիրում եմ կարդալ, երգել, պարել, ֆիլմ դիտել, լողալ, մեքենա վարել, երեխաների հետ աշխատել։ Ամուսնացած չեմ, 18-տարեկան եմ, ապրում եմ ծնողներիս հետ։ Պատասխանատու եմ ամեն ոլորտում ։ | |
| Կրթություն | ||||
| Հանրակրթություն | ||||
| • Վահան Թեքեյանի անվան միջն․ դպրոց | 2010-2020 | |||
| Մասնագիտական կրթություն | ||||
| • Մխիթար Սեբաստացի կրթահամալիր, Քոլեջ, նախադպրոցական բաժին-տարրական մանկավարժություն։
|
2020-առ այսօր | |||
| Աշխատանքային փորձ, այդ թվում՝ կամավորական | ||||
| Աշխատելու տարեթիվը | Կազմակերպության, ծրագրի անվանումը | Կատարած աշխատանքը | ||
| 2021թ | «Մխիթար Սեբաստացի» կրթահամալիր | Կամավորական աշխատանք։
Դաստիարակի օգնական։ |
||
| 2021թ | Հագուստի խանութ-սրահ | Վաճառողուհի | ||
| Լեզուների իմացություն (թվարկել՝ նշելով իմացության մակարդակը) | ||||
| Հայերեն (մայրենի), Ռուսերեն (բավարար), անգլերեն (բավարար), իսպաներեն (բավարար), պարսկերեն (բավարար)։ | ||||
| ՏՀՏ հմտություններ (թվարկել Ձեր կողմից գործածվող թվային միջոցները, համակարգչային ծրագրերը) | ||||
| MS Office , Word, Exel, Power Point, էլ. փոստի գործածում, սոց-ցանցեր, Microsoft Forms, Edublogs, Google Earth, Soundcloud, Gmail․ | ||||